Kabhi Khamosh Baithogi

Kabhi Khamosh Baithogi,
kabhi kuchh gungunaaogi
maiN utna yaad aaoonga,
mujhe jitna bhulaaogi

koi jab poochh baithega,
khamoshi kaa sabab tumse
bahot samajahna chaahogi,
magar samjhaa na paogee

kabhi duniya mukkammal banake,
aayengi nigaahOn meiN
kabhi meri kami duniya ki,
har ek shey meiN paaOgi

kahiN par bhee raheN hum tum
mohabbat fir mohabbat hai
tumhe hum yaad aayenge,
hameN tum yaad aaogee

Album : Love is Blind
Singer : Jagjit Singh