Tere Baare Bein Jab Socha Nahin Tha

Tere baare meiN jab socha nahiN thaa
maiN tanha tha magar itna nahiN thaa

teri tasveer se karta thaa baateN
mere kamer meiN aayina nahiN thaa

samandar ne muJhe pyaasa hi rakha
maiN jab sahra meiN thaa pyaasa nahiN thaa

manaane ruThne ke khel meiN hum
bichaD jaayenge ye socha nahiN thaa

suna hai band kar li aaNkheN usne
kai raatoN se wo soya nahiN thaa

Album : Saher
Singer : Jagjit Singh